Քանատա` Կեանքի ի նպաստ ազգային քայլարշաւ, ֆրանչիսկոս Քահանայապետին քաջալերական պատգամը։
Քանատայի Օթթաուա մայրաքաղաքին մէջ, անցեալ 8 մայիս 2014ին կայացած` Կեանքի ի նպաստ քայլարշաւին
մասնակցած են, աւելի քան 20 հազար անձեր։ Քայլարշաւին բնաբանն էր` ''մարդկային կեանքը
պաշտպանելու հիմնական իրաւունքը''։ Ս. Աթոռի Պետական Քարտուղարի ստորագրութիւնը կրող
պատգամին մէջ, կարտինալ Փարոլին յանուն ֆրանչիսկոս Քահանայապետին մաղթած է որ այս քայլարշաւը
աւելի մեծ յարգանք արծարծէ հանդէպ կեանքին։ Պատգամը ուղղուած է Օթթաուա թեմի առաջնորդ
եւ Քանատայի եպիսկոպոսական դասի գահերէց` կարտինալ Լաքրուային ու կարդացուած` Ազգային
ժողովի պալատին հրապարակի վրայ, ուր համախմբուած էին քայլարշաւի մասնակցողները։ Նշենք
որ Սրբազան Քահանայապետը նախապէս քաջալերական պատգամներ ուղղած է Ուաշինկթոնի եւ Հռոմի
կեանքի ի նպաստ քայլարշաւին մասնակիցներուն։